Musamu wa kuzanga kwa Yelusalemi
Bibaka bya Yelusalemi byenina mu kuzangana, amana Nehemiya wusi twadisa batu mu kubitungulula. Hana kati dyenina lombilu lwa lawu luna lwisi yubukina Tata wuna wálunda batu bandi muna kosu kanga.
Tata wetu kisi zonza mu mavese 8–9
1 1Mambu ma Nehemiya, mwana wa Hakaliya. Muna ngonda ya Kisilevi, muna mvula ya makumodi, meni yákala mu kibaka kya ngolu kya Susa, a a v1 Kisilevi kákala ngonda ya vwa muna kalandiye ya Bayuta; yabwa mu tsuka ya Novemba tii yi Dezemba.
2Hanani, mosi wa baphangi bama, wakwísa ni batu ba ku Yuta. Yábahyula kikuma kya Bayuta bana báhuluka, bana básala mu kinzenza, amana kikuma kya Yelusalemi. 3Bawu bázimbula kwena meni: «Ndambu yina yásala mu kinzenza, kuna mu kinzunga, benina mu kiwayi kineni yi mu tsoni. Kibaka kya Yelusalemi kimwangani, amana mielu myandi milemini mu mbawu.»
4Buna yáyuka mambu mana, yázakala amana yádila, yáyanana bilumbu, mu kuzila kudya yi mu kulombila ku thwala ya Tata wetu wenina mu mazilu. 5Amana yázimbula: A Tata wama wenina mu mazilu, Nzambi wa mbuta amana wa tsisi, wuna wisi lunda bulunda yi khenda kwena bana bisi muzola amana bisi lunda mikuku myandi, 6Kutu dyaku dyawila, amana mesu maku makala matemuka, mu kuwila lombilu lwalu luna meni, musadi waku, yisi lombila ku thwala yaku buthwena, phipha yi mwini, kikuma kya Kiseledi, basadi baku, yi kufunguna masumu mana betu bisi Kiseledi twásumuka kwena ngeyi. Meni yi nzu ya tata wama twásumuka. 7Twákuhanga mbi mu kuluta, konda kulunda mitsiku, bizila, yi mikanu mina wámuheka musadi waku Moyize.
8Bambuka ndinga yina wáheka kwena musadi waku Moyize: «Yuka ni lwakonda kwikama, yikaluumwanga mu makanda ma batu, 9kaasi yuka ni lwavutuka kwena meni, lwalúnda mikuku myama amana lwamihanga, ho ni bakangadi benu bakala ku tsuka ya mazilu, ku kyana, yikábawongika kuna amana yikábanata ku homa hana yásola ndangu khumbu yama yazingila kuna.»
10Bawu benina basadi baku, batu baku, bana wáhulula mu ngolu zaku zineni yi mu koku dyaku dya ngolu. 11A Tata wama, Pfumu wama, kutu dyaku dyawila lombilu lwa musadi waku, amana lombilu lwa basadi baku, bana bisi sephila mu kutsisa khumbu yaku. Heka musadi waku mboti lelu, amana muheka kyadi ku thwala ya mutu yandu. Muna tangwa dina, meni yákala musadi wa kunwisa kinga.
