Kudibata kwa Tavidi
Kikuma kya mfidi wa musindikila, kikuma kya Yedutuni. Mukunga wa Tavidi.
Tavidi wásanda kuzonzaku kima tangwa batu ba mbi bakala tala, amana kamama kwakitula phasi ya ngolu lawu nate yábasuka. Mana malubuka menina lombilu ni Tata wandi kansongila bwosu bilumbu byandi byenina bya khunda kaka — bitambi bifyoti, mwela — amana kavunda bwosu kakani kwenda.
39 1«Yikengidila nzila zama, hanga yasumukaku mu lulaka lwama; yikála ni kukasa munwa wama, tangwa batu ba mbi bena bela-bela yi meni.» 2Yákala kamama amana yádibata; yádibata mu mambu ma mboti phi, amana phasi zama zavula hika. 3Mbundu yama yakala mwini mwena meni; buna yabánza mu dyawu, mbawu yayóka; buna yázonza: 4Nsongila tsuka yama, A Tata wama, amana kitesu kya bilumbu byama kyenina biki; wunzayikisa bwosu yenina kima kya tangwa dimosi.
5Tala, wáhanga bilumbu byama bya khunda kaka, amana luzingu lwama lwenina kima kya phamba kwena ngeyi. Kyedika, mutu wosu kenina kaka mwela. 6Kyedika, mutu wosu kabati kangala hanga kivula; kyedika, mvwalangani zandi zoosu zenina za phamba; kadilumbikila kimvwama amana kazayiku nani kakútakana kyawu. 7Amana buthwena, A Tata wama, Pfumu, biki yenina kuhingila? Kivuvu kyama kyenina kwena ngeyi. 8Wunhulula mu masumu mama moosu; wayambulaku yakala tsoni kwena zoba. 9Yenina kamama; yisi zibulaku munwa wama, mukuma ngeyi wáhanga bwabuna. 10Katula mbetulu yaku kwena meni; yázinisa mu mbetulu ya koku kwaku.
11Mu kukayakya, wisi tsungika mutu kikuma kya disumu; wisi zinisa hanga tseledi bima bina kalumbikidi; kyedika, mutu wosu kenina kaka mwela. 12Yuka lombilu lwama, A Tata wama, amana hinikina kukalunga kwama; wayekaminaku matsanga mama; mukuma yenina kaka mutu wisi vyoka kwena ngeyi, nzenza hanga bakhaka bama boosu. 13Katula mesu maku kwena meni, hanga yabasa hika mu kyesi, kedi yasisa tsi amana yamana.
