Jona nʼime Ogbu Mmiri
Site nʼime azụ ahụ, Jona kpere ekpere dịka onye mmiri riri, ahịhịa mmiri kekọrọ ya isi, ọnụ ụzọ ama ụwa emechiri nʼazụ ya, na-ekele Nna anyị maka iwepụta ndụ ya site nʼolulu. O kwere nkwa ịkwụ ihe o kwere, azụ ahụ wee gbọpụta ya nʼala akọrọ.
2 1Mgbe ahụ, Jona sitere nʼime azụ ahụ kpee ekpere nye Nna anyị, sị: 2Nʼime nhụjuanya m, akpọkuru m Nna m, ọ zakwara m; site nʼafọ ili ka m tiri mkpu enyemaka, ị nụkwara olu m. 3Ị tụbara m nʼime ogbu mmiri, nʼime obi oke osimiri, mmiri na-asọ asọ gbara m gburugburu; ebili mmiri gị niile na ibu mmiri gị niile kpuchiri m. 4Mgbe ahụ, ekwuru m sị, ‘A chụpụla m site nʼihu gị; ma aga m elegharịkwa anya ọzọ chee ihu nʼụlọnsọ ukwu gị dị nsọ.’ 5Mmiri ahụ kpuchiri m ruo nʼọnụ ọnwụ; ogbu mmiri gbara m gburugburu; ahịhịa mmiri kekwasịrị isi m. 6A rịdatara m ruo na mgbọrọgwụ ugwu niile; ụwa mechiri ọnụ ụzọ ya nʼazụ m ruo mgbe ebighị ebi. Ma i si nʼolulu ahụ kpọlie ndụ m, Nna m. 7Mgbe ndụ m na-agwụ nʼime m, echetara m Nna m, ekpere m rukwere gị, ruo nʼụlọnsọ ukwu gị dị nsọ. 8Ndị na-arapara nʼarụsị na-abaghị uru na-ahapụ ịhụnanya nke gaara abụ nke ha. 9Ma mụ onwe m ga-achụ àjà nye gị site nʼotuto na ekele; aga m emezu nkwa niile m kwere. Nzọpụta bụ nke Nna anyị!
10Mgbe ahụ, Nna anyị gwara azụ ahụ okwu, ọ gbọpụtara Jona nʼelu ala akọrọ.
