Jonah Jü Kerelü
Khu vade celü, Jonah jükezho mülü keba thüma kütsü ha Po ce kechothi, püpithalü jü rhü khi die cejü kharüko pu tho kechothe shuta, pu kürhü lüzhe celü tasü khava la ha Po ce kethezü po. Pu kho keta thipü süto po die kho va, mu khu-e pu cejü kesolü reshü khasü va.
2 1Süsa Jonah khu vade celü ha Po ce kechothi ta: 2A lüzhelü i a Po ce shuta, mu Pue i lasü; mhakhre vade celü i khrühi sü krata, mu noe a füphra renita. 3Noe i jü kerelü, jükezho mülü thülü süva, mu jükezho i hupü whi; n dzü rüpüko mu n tükhrako metü a tho whü. 4Süsa i poti, “I n mhü celü thüva kethozo; vele i n kereshü kemesao ce la pe türü süto.” 5Jüko kesa thelalü ceneko i tho whü khüta; jü kere i tavo metuta; jü rhüko a pilü kezhü. 6I cejütuko melü ceneko tsü lüta; cejü pü kharüko a tho kechothe shuta. Vele noe a kürhü tükhü celü tasüri khava, a Po. 7A kürhü a lülü kelü va küzüce, i a Po rekrata, mu a kechothi noce, n kereshü kemesao ce kho vata. 8Thüma marhe reshu kemeno ce ani kehopüri, uko tüzü mikekhrü khavayo. 9Vele i chu mu jopü die noce kereshü thi süto; i reshu thipü metü i züto. Kelakeyi sü ha Po zo!
10Süsa ha Poe khu ce poti, mu süo Jonah cejü kesolü khasü va.
