Luka 12 FHB Father's Heart Bible™

12 ¹Muna tangwa meni dina, bwosu mafunda ma batu máwongamina hakimosi amana bekina diyatilaka bawu yi bawu, Yesu wáyandika kuzimbula theti kwena balonguki bandi: «Lukikeba kwena luvumba lwa Bafwadisi—disongidila, bukavungalosi. ²Kweku kima kyaswamana kina kyakónda kwisa monika, amana kweku kima kya kitsweki kina kyakónda kwisa zayakana. ³Buna byosu bina lwazímbula mu phipha, byayúkika mu kati kya mwini, amana mana lwafwéta mu bizika bya kitsweki, byasamunwa hana thandu za midilu.

⁴«Yiluzimbwadi, bakundi bama: lubangaku bana bisi honda nitu, kunima balendaku sala kima kyahika. ⁵Yikúlusongila nani lufwani kuyukila bweya: lubanga wuna, ha kamani honda, kenina yi kiyeka kya kululosa ku bilungi. Inga, yiluzimbwadi, lumubanga.

⁶Luzayibwoku ni banuni ba khunda batanu bisi batekisa mu makuta modi ma khunda? Kinga ka mosi ku wa bawu wisi zimbakana ku thwala ya Tata wetu. ^a a v6 Asalioni kyákala kuta dya khunda dya thesu dyakonda mupfunu wa lawu; makuta modi ma dyawu másumba banuni ba khunda batanu. ⁷Kaasi, kwena benu, keti tsuki zoosu za mutwa wenu zenina za kutanga. Lubangaku! Lwenina mupfunu wa lawu kuluta banuni ba khunda ba lawu.

⁸«Amana yiluzimbwadi, wosu mutu wuna wathámbwasa meni ku mesu ma batu, Mwana wa mutu phi kamútambwasa ku thwala ya banzyo ba Tata wetu. ⁹Kaasi wuna wathúna meni ku thwala batu, bamútuna ku thwala ya banzyo ba Tata wetu. ¹⁰Wosu wuna wazímbula ndinga ya mbi kwena Mwana wa mutu, katambula ndoluka; kaasi wuna wulewudi Kitembu Kyatoma, katámbulaku ndoluka. ¹¹Tangwa bana balunata ku thwala ya nzo za lukutakanu, kwena bapfumu yi kwena bakwa kiyeka, lukadinyenginaku ni bweti lwádikutumuna ho mana lwazímbula, ¹²mukuma Kitembu Kyatoma kálulonga, muna tangwa meni dina, mana lufwani kuzimbula.»

Zoba Wuna Wázimbakana Tata wetu

¹³Mutu mosi, muna kibuka, wámuzimbwala: «Mulongi, zimbula kwena phangi wama ni katukabudila kyuka hakimosi yi meni.»

¹⁴Kaasi Yesu wámuzimbwala: «A mutu, nani wásola meni zusi ho muzengi wa mambu mwena benu?» ¹⁵Wábazimbwala: «Lukeba mboti! Lukikeba kwena nzoluka za mutindu yi mutindu, mukuma luzingu lwa mutu ka mu kuvwa kwandi ku lwenina, kana kuvwa kwalawu.»

¹⁶Amana wubazimbwala kingana: «Bilanga bya mutu mosi wa mvwama byábuta mbutu yimboti.

¹⁷Wudibanzila muna mbundu yandi: “Biki yihánga? Yikondi kifulu kya kulumbika mbutu yama.” ¹⁸Buna wuzimbudi: “Mbwa bwabu bina yihánga: yizánga khila zama, yitunga zinene kuluta, amana yilumbika muna bule bwama bwosu yi bima byama byosu.” ¹⁹Amana yizimbula kwena moya wama: “Moya, wenina yi bima bya lawu byalumbukini kikuma kya mvula za lawu—vunda, dya, nwa, kala mu kyesi.”

²⁰Kaasi Tata wetu wámuzimbwala: “Zoba! Muna phipha yayi, moya waku bana bawubonga kwena ngeyi. Buna bima bina wáyidika, bya nani byakála?” ²¹Bwabuna bwenina kwena wosu mutu wuna wisi dilumbikila kuvwa yandi-meni, kaasi kasi mvwama ku kwena Tata wetu.»

Tata wetu Kazayi Mana Lwenina yi Mupfunu

²²Amana Yesu wázimbula kwena balonguki bandi: «Disongidila yiluzimbwadi: lukadinyenginaku kikuma kya luzingu lwenu—mana lwakála dya—ho kikuma kya nitu yenu—mana lwakála vwata. ²³Mukuma luzingu lwaluta madya, amana nitu yiluti muledi. ²⁴Talenu makhanga: bisi kunaku, bisi katulaku mbutu, byakonda fuka ho khila; kaasi Tata wetu wawu kisi badisa! Benu, lwenina yi mupfunu wa lawu kuluta banuni! ²⁵Nani mu kati dya benu, muna nyengi, walenda kukosikila keti koma kamosi ka tangwa ka luzingu lwandi? ²⁶Yuka ni lulendaku sala kima kya khunda bwabu, biki lwisi dinyengina kikuma kya mana mahika? ²⁷Lutala mutindu bithundu bya mu bilanga bisi menina: bisi salaku, bisi londaku. Kaasi yiluzimbwadi, keti Salomoni, mu mitsyenzya myandi myosu, kavwatikaku hanga kimosi mu bithundu bina. ²⁸Yuka ni Tata wetu kisi vwatisa bwabu mwangu wa bilanga, wuna wena hana lelu amana mbasi balosiwa ku fulu, abweti kalendabwoku kuluvwatisa benu, batu ba lukwikilu lwa khunda?

²⁹Lusandaku mana lwakála dya ho mana lwakála nwa, amana ludiyangisaku. ³⁰Mukuma makanda moosu ma ha tsi masi sanda bima bina; kaasi Tata wenu kazaya ni lwenina yi mupfunu wa byawu. ³¹Kaasi, lusanda Kipfumu kya Tata wetu, amana bima bina bana balúheka benu phi.

³²«Lubangaku, benu kibuka kya khunda, mukuma Tata wenu wámona kyesi mu kuluheka Kipfumu. ³³Lutekisa kuvwa kwenu amana luheka kwena batsukami. Luyidikila mikuta mina mikondi kukuluka—kuvwa kwakonda kumana muna mazilu, mwamuna mwakonda befi fwani fikama amana tseledi fwani zanga. ³⁴Mukuma kuna kwenina kuvwa kwenu, kuna phi kwakála mbundu yenu.»

Luyilama Tangwa Pfumu Kavutuka

³⁵«Luvwata mboti amana luyilama mu kisalu, amana luheka minda myenu mikala mu kulema, ³⁶hanga basadi bana bisi hingila pfumu wa bawu, tangwa kakwísa vutuka ku mukinzi wa makwela, ndangu tangwa kakwísa amana kakhokutila, bamúyafulula mwelu tswatsu. ³⁷Kyesi kwena basadi bana pfumu wa bawu kakwísa wana bekina kinda! Mu kyedika yiluzimbwadi, kakivwatika mu kisalu, kabasikisa ni basikuka ha mesa, amana kakwísa kubasadila. ³⁸Ho kakwísa ha kati dya phipha, ho kakwísa buna khaku dyakya, kyesi kwena basadi bana, yuka ni kábawana bayilama. ³⁹Luzaya bwabu: Yuka ni mukwa nzu kazayaka tangwa dina kakwísa mwifi, kakhanaku yambula ni bálungula nzu yandi. ⁴⁰Benu phi, lufwani kala bayilama—mukuma Mwana wa mutu kakwísa muna tangwa dina lukondi yindula.»

⁴¹Phetelu wuzimbudi: «Pfumu, ngeyi wisi zimbula kingana kyaki kwena betu, ho kwena batu boosu?»

⁴²Pfumu wávutula: «Nani wenina kalema wa bukheti yi wadimuka, wuna pfumu kásya ha thandu ya basadi ba nzu yandi, ndangu kabaheka madya ma bawu mu tangwa dyafwana? ⁴³Kyesi kwena musadi wuna, buna pfumu wandi kavutuka, kamuwana wisi sala bwabuna! ⁴⁴Mu kyedika yiluzimbwadi, kamúyadika ha thandu ya bima byandi byosu. ⁴⁵Kaasi yuka ni musadi wuna kadibanzila muna mbundu yandi: “Pfumu wama kalengaku kwisa”, amana wayandika kubula basadi, bayakala yi bakhetu, amana wadya, wanwa yi wakoluka. ⁴⁶Pfumu wa musadi wuna katúla muna kilumbu kina kakalaku wayilama yi mu tangwa dina kazayiku, kamúzenga bita bodi, amana kamúheka kifulu hana kati dya bakonda lukwikilu. ⁴⁷Musadi wuna wázaya luzolu lwa pfumu wandi kaasi kayilamaku amana kásalaku luzolu lwandi, kabúlwa bibula bya lawu. ⁴⁸Kaasi wuna kázayaku, amana wasala mana mafwani ndola, kabúlwa bibula bya khunda. Kwena mutu wosu wuna baheka bima bya lawu, balomba bima bya lawu kwena yandi; amana kwena wuna bápheka bima bya lawu, balomba bima bya lutila kwena yandi.»

Mwana wunata mbawu, ka ngemba ku

⁴⁹«Meni yakwísa mu kulosa mbawu ha tsi, amana nga yisi zola ni yina yalema kala! ⁵⁰Kaasi yifwani kubotika mbotika yimosi, amana nga kiwayi kineni kyama yi kuna kyalungila! ⁵¹Lubanza ni meni yakwísa mu kunata ngemba ha tsi? Nkatu, yiluzimbwadi, kaasi ngyengu. ⁵²Tuka buthwena bwabu, bakála batu batanu mu nzu yimosi, bavwasana: batatu mbeni za bodi amana bodi mbeni za batatu. ⁵³Bavwasana: tata mbeni wa mwana amana mwana mbeni wa tata; ngudi mbeni wa mwana wa mukhetu amana mwana wa mukhetu mbeni wa ngudi; ngudi wa nzitu mbeni wa mwana wa nzitu amana mwana wa nzitu mbeni wa ngudi wa nzitu.»

⁵⁴Wuzimbudi hika kwena bibuka bya batu: «Tangwa lwisi mona ditutu dikwisa tombuka ku ndamba, tswatsu lwisi zimbula: “Mvula yikwisa”, amana bwabuna bwenina.

⁵⁵Amana tangwa muphephi wa ku banda wisi fula, lwisi zimbula: “Kuma kwakála balabala”, amana bwabuna bwenina. ⁵⁶Bakavungalosi! Luzayi kutanga luse lwa tsi yi lwa zilu. Kikuma kya biki luzayiku kutanga tangwa dyadi dya buthwena?»

⁵⁷«Amana kikuma kya biki lwisi fundisaku benu-meni mana masonga? ⁵⁸Buna wenina kwenda yi mbeni waku kwena pfumu wa nganda, sala ngolu mu kuyidika yi yandi mu nzila; kondilo, kakúbulumuna kwena zusi, amana zusi kakúlambula kwena phumbulu, amana phumbulu kakútimbula mu boloku. ⁵⁹Yikuzimbwadi, walúbukamwoku kedi wufutiku yi kuna dikuta dya tsuka.»