Mesu Mahungudi kwena Ngeyi
Mukunga wa Tavidi.
Lombilu lwa masika lulambukwa hanga pfwabidi. Mana wisi lomba Tata wandi kakengila menina munwa wandi yi nzala yandi — hanga kakhundakanaku yi batu bana bisi hanga mbi, hanga kadyaku madya ma bawu ma kitoku — amana wisi tambula kubeta kwa mutu wa masonga hanga masi ha thandu ya mutwa wandi.
141 1A Tata wama, yikutedila ngeyi; wisa tswalu kwena meni. Yuka ndinga yama tangwa yisi kukalunga kwena ngeyi.
2Lombilu lwama lwatombuka ku thwala yaku hanga pfwabidi, kutombula moku mama hanga kimenga kya masikidika.
3Sya muphumbulu, A Tata wama, ha munwa wama; kengila mwelu wa malebu mama. 4Kuyambulaku mbundu yama yabuluka kwena mambu ma mbi mamosi, mu kukhundakana mu mihangu mya mbi hakimosi yi batu bana bisi hanga mbi; amana kuyambulaku yadya madya ma bawu ma kitoku.
5Mutu wa masonga kambeta — disongidila buweti; kandwengisa — disongidila masi ma mutwa wama; mutwa wama watúnaku mawu. Kaasi yisi lombila kosu tangwa kunda mihangu mya batu ba mbi.
6Tangwa bapfumu ba bawu balósawa ha matadi, buna batu bayúka ndinga zama, mukuma zenina za kyesi. 7Bwosu mutu kasi dima amana kabukuna tsi, phila mosi mifufwa myetu mimwangini ha munwa wa kalunga.
8Kaasi mesu mama mahungudi kwena ngeyi, A Tata wama, Pfumu wama; mwena ngeyi yisi swamina — kundyambulaku konda mutu wa kundema. 9Nkeba ku mutambu wuna básya kikuma kya meni, ku misinga mya batu bana bisi hanga mbi. 10Batu ba mbi babwila mu mawanda ma bawu bana, kaasi meni yimosi yisi hitila mu talala.
