ዐይኖቼ ወደ አንተ ተተክለዋል
የዳዊት መዝሙር።
እንደ ዕጣን የቀረበ የማታ ጸሎት። አብ እንዲጠብቅለት የሚለምነው የገዛ አፉንና ምኞቱን ነው፤ ከክፉ አድራጊዎች ጋር እንዳይተባበር፣ ከጣፋጭ መብላቸውም እንዳይቀምስ ይለምናል። የጻድቅ ሰው ተግሣጽንም በራሱ ላይ እንደሚፈስ ዘይት ይቀበላል።
141 1አባቴ፣ ወደ አንተ እጠራለሁ፤ ፈጥነህ ወደ እኔ ና። ወደ አንተ በምጮኽበት ጊዜ ድምፄን አድምጥ።
2ጸሎቴ በፊትህ እንደ ዕጣን ትውጣ፤ የእጆቼ መነሣት እንደ ማታው መሥዋዕት ይሁን።
3አባቴ፣ በአፌ ላይ ጠባቂ አኑር፤ የከንፈሮቼን ደጅ ጠብቅ። 4ልቤ ወደ ማንኛውም ክፋት እንዳያዘነብል፤ ክፉ ከሚያደርጉ ሰዎች ጋራ በክፉ ሥራ እንዳልተባበር፤ ከማዕዳቸውም እንዳልጠግብ አድርግ።
5ጻድቁ ይምታኝ፤ ይህ ቸርነት ነው፤ ይገሥጸኝ፤ ይህ ለራሴ ዘይት ነው፤ ራሴም እምቢ አይልም። ነገር ግን ጸሎቴ ሁልጊዜ በክፉዎች ሥራ ላይ ነው።
6ገዦቻቸው ከዐለታማው ገደል ላይ በሚወረወሩበት ጊዜ፣ ሕዝቡ ቃሎቼን ይሰማሉ፤ ደስ የሚያሰኙ ናቸውና። 7ሰው መሬትን አርሶ እንደሚሰነጥቅ፣ እንዲሁ ዐጥንቶቻችን በመቃብር አፍ ላይ ተበትነዋል።
8ነገር ግን ዐይኖቼ ወደ አንተ ተተክለዋል፣ ጌታዬ አባቴ ሆይ፤ በአንተ እጠጋለሁ፤ መከታ የሌለኝ አድርገህ አትተወኝ። 9ከዘረጉብኝ ወጥመድ ጠብቀኝ፤ ክፉ ከሚያደርጉ ሰዎች ወጥመድ ጠብቀኝ። 10ክፉዎች በገዛ መረባቸው ውስጥ ይውደቁ፤ እኔ ግን ብቻዬን በሰላም አልፋለሁ።
