Job Kela Kesü
Job-e puce pepü khrühi süo rhe, süsa ha Po keku khipü pü uni ceri veku tsale: cejü nothi yo khrü de ba, dzü kemhü ketalü rütsothi, jükezho kümütu thi, Rahab rhaphre va. Mu hio metü, pü po die, Pü choko kekhrü ritsü kemo, dzü rünyi lebi kemo zo.
26 1Süsa Jobe kela kesü die: 2Noe keku kemopü mi mhane khrühi süzo! Keku kemopü boo noe mhane lavo süzo! 3Noe mhase kemopü mi mhane mhasee cü, mu mhaco kethoo mhane kasü! 4Noe sopü khrühi lü jü hiko posü? Mu sopü kerhüo no celü kirita? 5Jü thejü mu sülü kehü metü mütü, kesami rüpüko küna yo. 6Meza ha Po mhüjülü müthu ta de ba, mu Medi ri netho mha mopü. 7Pue dzükho mü tüyo kho methu yo pra de ba; cejüo nothi yo khrü de ba. 8Pue jüo Pü kemhü ketalü rütsothi, vele kemhü süko kemeshi ubalü ga mota. 9Pue khri keta zü whuva, Pü kemhü süyo keyepü de ba. 10Pue jü zü kholü kümütu thisü, keve mu kezü kolü kelakre thisü. 11Tüyo bodü Pü lekhu süce ngophide küna yo. 12Pü kekulü Pue jükezho münü thisü; Pü mhaselü Pue jükezho khonu Rahab rhaphre va. 13Pü kerhülü tüyo mülemülu yita; Pü khi phothu ketapü tenhi khipü züsü. 14Mu hikohi Pü choko kekhrü ritsü zo— ha Pü celü füphra ritsü rünyi! Vele Pü keku tüsü sopü seyi veta?
